Oor die jare het Clarens Gemeente se identiteit baie sterk rondom Woordbediening ontwikkel. Uit die aard van die saak speel Woordbediening tydens die erediens ‘n deurslaggewende rol. Ons glo egter dat die Woord nie nét deur ‘n preek van ‘n leraar in die erediens aan die orde kom nie, maar ook op verskeie ander maniere. Die liedere wat ons sing, gebede wat ons bid, getuienis wat gedeel word en gesprekke wat ons voer in en rondom die erediens word gebaseer op die Woord van God. Ons kies ook soms om meditatief en nadenkend met die Woord om te gaan. Die deurlopende goue draad in ons gemeente is dat ons altyd soek na Skrifgetrouheid. So het daar ‘n kultuur van Bybelstudie oor die jare ontwikkel, en aanvullend daartoe die aanbieding van die Veritas kursus wat enigeen in staat stel om sinvol met die Woord om te gaan. Op hierdie bladsy is daar dagstukkies, opnames van boodskappe en “Huiskerke” wat oor die afgelope jaar of twee in die bediening gebruik is. Ons wil graag mettertyd ook opnames van boodskappe en Woordbediening hier plaas sodat hierdie blad ‘n lekker rusplek kan word as jy nodig het om by die Woord stil te staan.

BOODSKAPPE