“As iemand ’n resies wil wen, oefen hy eers hard. Met ’n gewone resies is die prys vir die wenner klein, maar in die resies van hierdie lewe is die prys vir die wenner baie groot en dit hou vir altyd. Daarom haal ek alles uit en speel die spel van hierdie lewe so goed ek kan, om te wen. Ek doen wat nodig is, al vra dit wat ook al van my. Dan vertel ek nie vir ander wat om te doen, maar sak self in die wedloop van die lewe uit nie.” – 1 Korintiërs‬ ‭9:25-27‬ ‭DB‬‬

GK Chesterton het hierdie opmerking gemaak: “The Christian ideal has not been tried and found wanting; it has been found difficult and left untried.”

Soms is die verskil tussen floreer en krepeer net enkele treë, ‘n uur of drie, ‘n dag of ses, ‘n maand of wat. Wanneer ons Jesus volg is die pad soms moeilik, dalk ingewikkeld en partykeer gewoon ondraaglik.

Die Skrifgedeelte nooi ons om binne reikafstand van Jesus te bly, en net ‘n stukkie langer uit te hou.

Hoor wat sê Psalm 30:5b in “The Message” vertaling: “The nights of crying your eyes out give way to days of laughter.”

Gebed

Here, ek het agter geraak en effe verdwaal. Help my om weer te probeer.